အိုင်ဘီအက်စ် (I.B.S) ခေါ်
အစာအိမ်နာ အူလမ်းကြောင်း ရောဂါများမှာ နာတာရှည် ဖြစ်တတ်ပြီး စိတ်ရှည်ရှည် အချိန်ယူပြီး ကုသရသည်။
အဖြစ်များသော ရောဂါ လက္ခဏာများ
ဗိုက်တင်းခြင်း၊ ဗိုက်ကယ်ခြင်း၊ လေချဉ်တက်ခြင်း၊ လေမလည်ခြင်း၊ အစာများပြီး မနေနိုင်အောင် ဗိုက် အောင့်ခြင်း၊ အစာစားပြီးပါက ရောဂါ ပိုဆိုးလာခြင်း၊ ဗိုက် အလွန်နာခြင်း၊ ရင်ညွန့် အောင့်ခြင်းတို့ ဖြစ်တတ်သည်။
အခြား အသွင်များ
ဝမ်း အမာသွားခြင်း၊ ဝမ်း ပျက်ခြင်း၊ ဝမ်း ချုပ်ခြင်း၊ ဝမ်း သွားလိုက်၊ ချုပ်လိုက် ဖြစ်ခြင်း၊ ဝမ်းသွားလျှင် ချွဲပါခြင်း၊ ဝမ်းသွား အားမရခြင်း၊ တချို့မှာ အစာ ရေမျိုအောက်ပိုင်း ကြွက်သား ညှစ်အား မူမမှန်ခြင်း၊ ရင်ပူခြင်း၊ လေတက်ခြင်း၊ အစာ မကြေခြင်း၊ ရင်ညွန့်တစ်ဝိုက် နာခြင်းတို့ ဖြစ်တတ်သည်။
ရောဂါ ဖြစ်ရခြင်းများ
အူလမ်းကြောင်း လှုပ်ရှားမှု မူမမှန်ခြင်း၊ အူလမ်းကြောင်း ကြွက်သား မကြာခဏ ညှစ်ရခြင်း၊ မျိုးရိုးလိုက်ခြင်း၊ အူမကြီး ကင်ဆာ၊ အူလမ်းကြောင်းဆိုင်ရာ လက္ခဏာများ ပါဝင်သည်။
ရောဂါ ပိုဆိုးစေခြင်း
အစာအိမ်နှင့် အူလမ်းကြောင်း တစ်လျှောက်တွင် ပိုးကြောင့် ဝမ်းလျှောခြင်း၊ ဝမ်းပျက်ခြင်းတို့ ဖြစ်ပြီး ပိုးသတ် ဆေးစားခြင်း၊ ဗိုက် ခွဲစိတ်ခြင်း၊ စိတ်သောက ဖြစ်ခြင်း၊ စိတ်ကျ၊ စိတ်ထိခိုက်လျက် ရှိခြင်း၊ မတည့်သော အစားအစာကို စားခြင်း၊ အိမ်ထောင်ရေး အဆင်မပြေခြင်း၊ ပတ်ဝန်းကျင်နှင့် အဆင်မပြေခြင်း တို့ကြောင့် ရောဂါ ပိုဆိုးစေသည်။ အမျိုးသမီးများမှာ ပို၍ အဖြစ်များသည်။
ရောဂါ စစ်ဆေးခြင်း
အထူး စစ်ဆေးရန် မလိုပါ။ (အသက် လေးဆယ် မကျော်သူမှာ သွေးဖောက် (GP, ESR) လုပ်ခြင်း) အစာအိမ် အူလမ်းကြောင်း ဓာတ်မှန် ရိုက်ခြင်း၊ မှန်ပြောင်း ကြည့်ခြင်းတို့ဖြင့် ရောဂါကို စစ်ဆေး နိုင်သည်။
အရေးကြီးသော လက္ခဏာများ
သွေးအန်ခြင်း၊ ဝမ်းအမည်း သွားခြင်း၊ သိသိသာသာ ပိန်ခြင်း၊ ဗိုက်တွင် အလုံးပေါ်ခြင်း၊ ဝမ်း အရိအရွဲ သွားခြင်း၊ ည အိပ်မပျော်ခင် ဗိုက်နာခြင်းနှင့် အဖျားရှိခြင်း တို့သည် အရေးကြီးသော လက္ခဏာများ ဖြစ်သည်။
ဓာတ်စာ
လူနာ ထက်ဝက်ခန့်မှာ ဆေး၊ အစားအသောက် ကိုက်ညီ ပံ့ပိုးမှုဖြင့် ရောဂါ သက်သာစေပါသည်။ နေ့စဉ် နာရီဝက် ကျန်းမာရေး အတွက် (အပြေး၊ လမ်းလျှောက်၊ စက်ဘီးစီး) လုပ်သင့်သည်။ အစား မရှောင်သော လူနာ၏ သုံးပုံတစ်ပုံသည် သက်သာမှု မရှိဘဲ ခွဲစိတ် ကုသမှု ခံယူကြရသည်။
အသိပညာ ပေးခြင်း
ကင်ဆာကဲ့သို့ ဆိုးဝါးသော ရောဂါ မဟုတ်ပါ။ အမြဲတမ်း ပုံမှန် ဆေးသောက်ခြင်းနှင့် သေချာတိကျတဲ့ ကုသမှု ခံယူရမည်။
ကုသနည်း
ကျန်းမာရေးနှင့် ညီညွတ်သော အစာ စားရမည်။ ဗိုက်အောင့်ပျောက်ဆေး ဒိုင်ဂျင်း၊ ဂျဲလမက် သောက် သင့်သည်။ ။
ဒေါက်တာ လွင်သန့် (ဆေး-၂)
0 comments:
Speak up your mind
Tell us what you're thinking... !